Watch Video Lessons

Choose what you'd like to learn from our video library.

eLearning Books

Choose what you'd like to learn from our Books library.

School Orders

Choose what you'd like to learn from our Books library.

News

నేడు ఇంటర్ ఫలితాలు

తెలంగాణ ఇంటర్మీడియట్ ప్రథమ, ద్వితీయ సంవత్సర పరీక్ష ఫలితాలు ఈరోజు సాయంత్రం 5 గంటలకు విడుదల చేయనున్నారు. విద్యాశాఖ కార్యదర్శి జనార్దన్‌రెడ్డి ఫలితాలను విడుదల చేయనున్నారు. నాంపల్లిలో గల తెలంగాణ స్టేట్ బోర్డ్ ఆఫ్ ఇంటర్మీడియట్ ఎడ్యుకేషన్ బోర్డ్‌లో అధికారులు ఈ ఫలితాలను విడుదల చేయనున్నారు. ఫలితాల కోసం విద్యార్థులు www.tsbie.cgg.gov.in, www.bie.telangana.gov.in వెబ్‌సైట్‌ను చూడవచ్చు.

18-Apr-19

ఎంవీఐ, ఏఈ, అగ్రికల్చరల్‌ ఆఫీసర్ల ఆన్‌లైన్‌ పరీక్షలకు ఏర్పాట్లు పూర్తి

ఎంవీఐ, ఏఈ, అగ్రికల్చరల్‌ ఆఫీసర్ల ఆన్‌లైన్‌ పరీక్షల నిర్వహణకు ఏపీపీఎస్సీ ఏర్పాట్లు పూర్తి చేసింది. ఈ బుధవారం జరిగే ఈ పరీక్షకు అభ్యర్థులు 8.45 గంటలకే కేంద్రాలకు చేరుకోవాలని తిరుపతి సబ్‌కలెక్టర్‌ మహేష్‌కుమార్‌ తెలిపారు. ఎలాంటి ఎలక్ట్రానిక్‌ పరికరాలను పరీక్షా కేంద్రంలోకి తీసుకు రాకూడదన్నారు. జూపార్క్‌ సమీపంలోని ఇయాన్‌ డిజిటల్‌ జోన్‌, కేఎంఎం ఇంజినీరింగ్‌ కళాశాలలోని ఇయాన్‌ డిజిటల్‌ జోన్‌, కరకంబాడి రోడ్డులోని అన్నమాచార్య ఇంజినీరింగ్‌ కళాశాల, పి.కొత్తకోటలోని వేము ఇంజినీరింగ్‌ కళాశాలల్లో పరీక్షలు నిర్వహిస్తున్నట్లు తెలిపారు. ఉదయం 9.30 నుంచి మధ్యాహ్నం 3 గంటలకు రెండు షిఫ్టుల్లో పరీక్షలు ఉంటాయని తెలిపారు. ఎంవీఐ పోస్టులకు 898 మంది, ఏఈ పోస్టులకు 182 మంది, అగ్రికల్చరల్‌ ఆఫీసర్ల పోస్టులకు 487 మంది అభ్యర్థులు పరీక్ష రాయనున్నారని ఆయన తెలిపారు.

17-Apr-19

టీఎస్ పీఈసెట్-2019 దరఖాస్తు గడువు పొడగింపు

టీఎస్ పీఈసెట్-2019 దరఖాస్తు గడువును ఈనెల 22వరకు పొడిగించడమైనది. అభ్యర్థుల వినతిని పరిగణనలోకి తీసుకుని ఈమేరకు గడువు తేదీని పొడిగించినట్లు తెలంగాణ రాష్ట్ర ఉన్నత విద్యామండలి చైర్మన్ టి.పాపిరెడ్డి శనివారం ఒక ప్రకటనలో తెలిపారు. మార్పు చేసిన తేదీతో పాటు పూర్తి వివరాలు pecet.tsche.ac.in వెబ్‌సైట్‌లో పొందవచ్చని తెలిపారు.

14-Apr-19

ఏపీ ఇంటర్ ఫలితాలు విడుదల

ఏపీలో ఇంటర్ ప్రథమ, ద్వితీయ సంవత్సర ఫలితాలను ఇంటర్ బోర్డు కార్యదర్శి ఉదయలక్ష్మీ విడుదల చేశారు. తొలిసారిగా ఇంటర్ ఫలితాలు గ్రేడింగ్ విధానంలో విడుదల చేశారు. ఇంటర్‌ ప్రథమ సంవత్సరంలో 60 శాతం, ద్వితీయ సంవత్సరంలో 72 శాతం విద్యార్థులు ఉత్తీర్ణత సాధించారు. ఈసారి కూడా బాలికలే పైచేయిగా నిలిచారు. ప్రథమ సంవత్సరంలో 72 శాతంతో కృష్ణాజిల్లా మొదటి స్థానంలో నిలిచింది. ద్వితీయ సంవత్సరంలో 81శాతం ఉత్తీర్ణతతో మొదటి స్థానంలో చిత్తూరు జిల్లా నిలిచింది. బాలికలు 75శాతం, బాలురు 68శాతం ఉత్తీర్ణత సాధించారు. మే 14 అడ్వాన్స్‌డ్ సప్లిమెంటరీ పరీక్షలు ప్రారంభం కానున్నాయి. ఏప్రిల్ 24 వరకు ఫీజు చెల్లించవచ్చు. 6.3 లక్షల మంది విద్యార్థులు ఉత్తీర్ణలు కాగా.. 3.3 లక్షల మంది ఫెయిలయ్యారు.

12-Apr-19

నేడు ఇంటర్ ఫలితాలు విడుదల

ఆంధ్రప్రదేశ్ ఇంటర్మీడియట్‌ పబ్లిక్‌ పరీక్షల ఫలితాలు ఈనెల 12న విడుదల కానున్నాయి. సచివాలయంలోని మూడవ బ్లాక్‌లో ఉదయం 11 గంటలకు జనరల్‌, ఒకేషనల్‌ కోర్సుల ఫలితాలు విడుదల చేయనున్నట్టు ఇంటర్‌ బోర్డు కార్యదర్శి ఉదయలక్ష్మి తెలిపారు. ఫిబ్రవరి 27 నుంచి మార్చి 18వ తేదీ వరకు జరిగిన ఇంటర్‌ పరీక్షలకు రాష్ట్రవ్యాప్తంగా 5,05,255 మంది విద్యార్థులు హాజరయ్యారు. ఫలితాలను rtgs.ap.gov.in, examresults.ap.nic.in వెబ్‌సైట్‌లలో పొందవచ్చు.

12-Apr-19

ఈ నెల 21న ఓయూ దూరవిద్య బీఈడీ ప్రవేశ పరీక్ష

ఉస్మానియా యూనివర్సిటీ (ఓయూ) దూరవిద్య బీఈడీ ప్రవేశ పరీక్ష ఈ నెల 21న మధ్యాహ్నం 2 గంటల నుంచి సాయంత్రం 4 గంటల వరకు నిర్వహించనున్నట్లు డైరెక్టర్ గణేశ్ తెలిపారు. ఓయూ క్యాంపస్‌లోని దూరవిద్య కేంద్రంలో ప్రవేశ పరీక్ష నిర్వహించబడుతుంది. పరీక్షకు వారం రోజుల ముందు నుంచి హాల్ టికెట్లు జారీ చేయనున్నట్లు తెలిపారు. 100 ప్రశ్నలకు వంద మార్కులు ఉంటాయని పేర్కొన్నారు. తొలి సారి దూర విద్యలో ప్రవేశ పెట్టిన బీఈడీ కోర్సులో 500 సీట్లు ఉండగా 2 వేల మంది అభ్యర్థులు ప్రవేశ పరీక్షకు దరఖాస్తు చేసుకున్నారని గణేశ్ తెలిపారు.

05-Apr-19

16 నుండి జేఎల్ ఇంటర్వ్యూలు

రెసిడెన్షియల్ ఎడ్యుకేషనల్ ఇన్స్టిట్యూషన్స్‌లో జూనియర్ లెక్చరర్ (జేఎల్) పోస్టుల భర్తీకి ఎంపికైన అభ్యర్థులకు ఈ నెల 16 నుంచి 22 వరకు ఇంటర్వ్యూలు నిర్వ హించనున్నట్లు టీఎస్పీఎస్సీ తెలిపింది. ఇంటర్వ్యూకు ఎంపికైన అభ్యర్థుల హాల్ టికెట్ నెంబర్లు, ఇంటర్వ్యూ తేదీ, సమయాన్ని విడుదల చేసింది. మూడు పాస్ పోర్డు ఫొటోలు, హాల్‌టికెట్‌తో పాటు కమిషన్ జారీ చేసిన వెరిఫికేషన్ సర్టిఫికెట్‌తో అభ్యర్థులు ఇంటర్వ్యూకు హాజరు కావాలి. విఫలమైన అభ్యర్థులను తదుపరి ఎంపిక ప్రక్రియకు పరిగణించమని తెలిపింది. నాంపల్లిలోని కమిషన్ కార్యాలయంలో ఇంటర్వ్యూలు జరుగుతాయని తెలిపింది. ఇంటర్వ్యూకు ఎంపికైన అభ్యర్థులు ఈ నెల 8న ఆన్లైన్లో జోనల్ ఆప్షన్ ఇవ్వాలని తెలిపింది.

05-Apr-19

టీఆర్టీఎస్టీటీ ఎంపికైన అభ్యర్థుల జాబితా విడుదల

తెలంగాణలో టీఆర్టీఎస్టీటీ తెలుగు మీడియం పోస్టులకు ఎంపికైన అభ్యర్థుల జాబితాను టీఎస్పీఎస్సీ గురువారం రాత్రి ప్రకటించింది. 3,786 పోస్టుల భర్తీకి ప్రకటన జారీ చేయగా, ఎంపికైన 3,375 మంది అభ్యర్థుల జాబితాను విడుదల చేసింది. వివిధ కారణాలతో 411 పోస్టులకు సంబంధించిన ఫలితాలను పెండింగ్‌లో ఉంచింది. ఇప్పటి వరకు 45 కేటగిరీల్లో 1,485 ఉపాధ్యాయ పోస్టుల ఫలితాలను ప్రకటించినట్లు టీఎస్పీఎస్సీ తెలిపింది. ఎంపికైన అభ్యర్థుల జాబితాను వెబ్‌సైట్ www.tspsc.gov.in లో చూసుకోవాలని సూచించారు. 505 మంది టీఆర్టీఎస్టీటీ తెలుగు అభ్యర్థులకు మూడో విడత సర్టిఫికెట్ వెరిఫికేషన్ నిర్వహించనున్నట్లు టీఎస్పీఎస్సీ తెలిపింది. ఈ సర్టిఫికెట్ వెరిఫికేషన్ త్వరలో నాంపల్లిలోని టీఎస్పీఎస్సీ కార్యాలయంలో ఉంటుందని పేర్కొంది. అభ్యర్థులు పూర్తి వివరాలకు www.tspsc.gov.in వెబ్‌సైట్‌ను సందర్శించాలని సూచించింది.

05-Apr-19

ఈ నెల 30న బీసీ గురుకుల ప్రవేశ పరీక్ష

మహాత్మా జ్యోతిభాపూలే బీసీ గురుకులాల్లో ఆరో తరగతి ప్రవేశాలకు ఈ నెల 10 వరకు, 7వ తరగతి ప్రవేశ పరీక్షకు ఈ నెల 15 వరకు దరఖాస్తులు స్వీకరించనున్నారు. ప్రవేశ పరీక్షను ఈ నెల 30న నిర్వహించనున్నట్లు సెక్రటరీ మల్లయ్య బట్టు తెలిపారు. ఈ నెల 21న నిర్వహించనున్న జూనియర్‌, మహిళా డిగ్రీ కాలేజీల ప్రవేశ పరీక్షకు దరఖాస్తు చేసుకునేందుకు ఈ నెల 8 వరకు గడువు విధించినట్లు ఆయన తెలిపారు.

04-Apr-19

గురుకుల జూనియర్‌ కాలేజీల్లో ప్రవేశానికి దరఖాస్తు గడువు పొడగింపు

ఆంధ్రప్రదేశ్‌ సాంఘిక సంక్షేమ గురుకుల జూనియర్‌ కాలేజీల్లో 2019-20 విద్యా సంవత్సరానికి ఇంటర్మీడియట్‌ మొదటి సంవత్సరంలో ప్రవేశానికి ఆన్‌లైన్లో దరఖాస్తుల స్వీకరణ గడువు పొడిగించడమైనది. ఆధార్‌కార్డ్‌ నెంబర్‌, 10వ తరగతి హాల్‌టిక్కెట్టు, మొబైల్‌ నెంబర్‌తో jnanabhumi.ap.gov.in వెబ్‌సైట్‌లో దరఖాస్తు నమోదుచేయవచ్చు. ఈ ఏడాది ఆగష్టు 31 నాటికి వయసు 17 సంవత్సరాల లోపు ఉన్న అభ్యర్థులు ఏప్రిల్‌ 5 లోగా దరఖాస్తు చేసుకోవాలని జిల్లా సమన్వయాధికారిణి డాక్టర్‌ టి.రాధాసుధావాణి తెలిపారు. ఈ నెల 13వ తేదీ ఉదయం 11 నుంచి మధ్యాహ్నం 1.30 గంటల వరకు ప్రవేశపరీక్ష నిర్వహించబడుతుంది. 2019 మార్చిలో పరీక్ష రాసిన విద్యార్థులు సొంతజిల్లాలో మాత్రమే దరఖాస్తు చేసుకోవాలన్నారు. తెలుగు, ఇంగ్లీష్‌, గణితం, సైన్స్‌, సోషల్‌ సబ్జెక్టుల్లో 100 మార్కుల ఆబ్జెక్టు పరీక్ష నిర్వహిస్తారని తెలిపారు.

03-Apr-19
View All
Videos
View All
Books
View All
School Orders
Upload image
Best School
No schools found